Amaia Lasa

Amaia Lasa Alegria (Getaria, 1948) euskal idazle eta irakaslea da. 1960ko hamarkadan hasi zen poesia idazten, eta euskal literaturan emakume ahots aitzindarietako bat da. Bere lanek sentimenduen adierazpen zuzena eta irudi sinbolikoak uztartzen dituzte. Bere lan ezagunenetako batzuk ditu Poema bilduma (1971), Hitz nahastuak (1977), Nere paradisuetan (1979), Malintxearen gerizpean (1988) eta Barne iraultzen loraldia (2016). 2000. urtean EHUk ordura arteko poesia bildumak argitaratu zizkion Geroko aurpegia izenburupean. Eta 2001ean K. Izagirrek Lasaren poemen antologia bat argitaratu zuen, «XX. mendeko poesia kaierak» bilduman.