Aritz Gorrotxategi

Aritz Gorrotxategi (Donostia, Gros auzoa, 1975). Zuzenbidean lizentziaduna. Egun, gidoigintzatik eta testugintzatik bizi da. Literatur eta zinema gaiak landu ditu bereziki.

2000. urtean Irun Hiria saria eskuratu zuen bere lehen eleberriarekin, Kafkaren labankada. Horrez gain, bereak dira Taxi bat Hamletentzat (2002) eta Zaldi hustuak (2007) poema-liburuak, Egurra Pinotxori (2002) narrazio bilduma, Galtzontziloak autobusean zintzilik (2002) sasi-kronika, Kearen truke (2005) eta Axola ez duenean (2009) eleberriak.

Berriki, Itziar Mínguezen Pura coincidencia-Kointzidentzia hutsa (2010) poema-liburua itzuli du euskarara.