Edu Zelaieta

Edu Zelaieta Anta (Gasteiz, 1973) irakasle aritu izan da lehengo mende bukaeratik, eta gaur egun ere hala dihardu EHUko Hezkuntza eta Kirol Fakultatean. Misterio literariotzat har daiteke orain arte sinatutako kontratuetan inoiz ez agertzea haren egiazko lanbidea: etengabeko ikaslea. Ia denbora berean idazle aritu izan da; lehenik, helduentzat; ondoren, zailagoa baita, haurrentzat. Hor ere bada kontu bitxirik: sekula ez du irakurle kontraturik sinatu, eta bidean gero eta lagun gehiago topatu ditu proiektuak kolektiboan sortu eta gauzatzeko. Hortaz, ez harritu itzultzaile, letragile edota gidoilari ikusten baduzu liburuetatik kanpo ere, musikariez, margolariez edo, batek daki, antzezlez lagunduta.