Goiatz Labandibar

Goiatz Labandibar Arbelaitz (Oiartzun, 1985), kazetaritzan lizentziatua, komunikazioan eta gidoigintzan aritu da lanean. Literaturan, narrazio laburren bildumak idatzi ditu, hala nola Geltokiak edo helduta entzuteko abestiak (2013), Fotogramak (2016), Hori zen dena (2019), Amez (2022) eta Donostia2016k argitaratutako Hala bazan… klixk. Poesia liburu bat ere idatzi du: Interpretazioak G minorrean (2020). Haur literaturan, Hizkien alde. Manifestua (2022) album ilustratua argitaratu du eta antzerki testuak ondu izan ditu. Bekatua du lehenengo nobela, eta berarekin irabazi zuen Ramiro Pinilla eleberri laburren saria 2021ean.