Ibon Sarasola

Ibon Sarasola Errazkin (Donostia, 1946). Ingeniaritza ikasketak egin zituen Donostian, eta Filosofia eta Letretakoak, Bartzelonan. Batez ere, hizkuntzalaritza landu du, hiztegiaren alorra bereziki, baina, horrez gainera, literaturari buruzko lanak eta kritikak argitaratu ditu, literatura bera bazter utzi gabe; zenbait itzulpen ere argitaratu ditu. Euskaltzain osoa da 1988az geroztik.

Mitxelena hil zenez gero, berak hartu zuen Orotariko Euskal Hiztegiaren zuzendaritza. 1997an argitaratu zuen Euskal Hiztegiaren lehen edizioa alde batetik eta Euskara batuaren ajeak saiakera bestetik. 2005ean argitaratu zuen Zehazki gaztelania-euskera hiztegia. Hiztegi Batua Euskal Prosan eta Egungo Euskararen Hiztegia sareko hiztegietan ere parte nagusia hartu du.

Beste liburu batzuk: Poemagintza (1969), Euskal Literaturaren historia (1971), Txillardegi eta Saizarbitoriaren nobelagintza (1975), Joan eta Ane zigarro bat erretzen (1977) Contribución al estudio de textos antiguos vascos (1990).