Idurre Eskisabel

Idurre Eskisabel Larrañaga (Beasain, 1970). Kazetaritzan eta Gizarte eta Kultur Antropologian lizentziaduna, azken urteetan irakasle dabil EHUko Gizarte eta Komunikazio Zientzien Fakultatean. Aurretik, Euskaldunon Egunkaria-n eta Berria-n aritua. Ikerketa arloan, nazio iruditeria eta haren eraikuntza mediatikoa, sexu/genero sistema eta nazio eraikuntzen arteko harremana, eta hizkuntza eta generoaren arteko uztarketak ditu langai. Trikua esnatu da. Euskaratik feminismora eta feminismotik euskarara liburua argitaratu du berriki Lorea Agirrerekin batera. Eskafandra kolektibo feministako kidea da. Goseak janak izeneko poema-bilduma argitaratu zuen 2018an.