Lorea Agirre

Lorea Agirre Dorronsoro (Beasain, 1968). Kazetaria da eta egun Jakin aldizkariko zuzendaria. Urte luzeetan kazetari lanetan ibili da, besteak beste, Argia aldizkarian eta Euskaldunon Egunkaria eta Berria egunerokoetan. Hizkuntza minorizatuak eta ikasketa feministak, alde batetik, eta kultura, hizkuntza eta komunitateen arteko loturak, beste aldetik, dira bere ikergai nagusiak. Trikua esnatu da. Euskaratik feminismora eta feminismotik euskarara liburua argitaratu du berriki Idurre Eskisabelekin batera. Gezurra ari du. Egunkariaren itxieraren kronika liburuaren egilea da eta baita Rosa Luxemburgen eta Joxemi Zumalaberen biografia banarena ere. Eskafandra kolektibo feministako kidea da.