Manuel Rivas

Kontalari, poeta, saiakeragile eta kazetaria da, eta gaur egungo galiziar literaturaren nazioarteko ahotsik gailenetariko bat. Haren obra galizieratik hizkuntza askotara itzuli da, bereziki lagundurik hala hedapen unibertsala  ematen literatura galegoari. Kazetari gisa, hainbat hedabidetan aritu da, El País egunkarian batik bat. Rivasen lanik ezagunenen artean daude Un millón de vacas, En salvaxe compaña, O lapis do carpinteiro, Os libros arden mal eta Zer nahi nauk, Amore? hau, hainbat sari jasoa. Ibilbide osoko merezimenduen aitortza gisa, Espainiako Letren Sari Nazionala jaso zuen 2024an. Juan Garzia itzultzaileak dio: «Bere obra zabalean, fintasun bereziz biltzen ditu Rivasek bere lurrak bizi dituen aldeak eta aldiak. Harrigarrizko trebeziaz uztartzen ditu nostalgia eta aldarrikapena, eta ironia gizakoiz janzten hala kexua nola zirrara. Guztira, paisaia eta pertsonaia xeheen karruseletik bistaratuko zaigu Galizia (ari (izan)) denaren isla bizia, testuen atseginean bildurik sakoneko gogoeta».