Maryse Condé

Maryse Condé idazle guadalupearrari (1937) Literaturako Nobel alternatiboa eman zioten 2018an, Nobel ofizialaren eskandaluen ostean. Lehendik ere ezaguna, batez ere frankofonian; handik kanpo ere bai, Richard Philcox-ek ingelesera itzulitako eleberriei esker. Berrogei urte bete ostean argitaratu zuen lehen nobela. Harrezkero, idazle prolifikoa izan da: eleberriak, kontakizun biografikoak, saiakerak… denetarik idatzi du. Lizeoko irakasle, unibertsitateko irakasle, arrazakeriaren, kolonialismoaren, matxismoaren aurka politikoki engaiatua, egun jada ezindua hitzaldiak ematen segitzeko, azken nobela diktatzen dihardu.