Xabier Santxotena Asúa

Xabier Santxotena Alsúa (1946)
Sukaldari, eskultore eta olerkari. Hiru museo sortu ditu Teresa Lafraguarekin: Gorrienea Etxe Museoa eta Santxotena Parke Museoa (biak Bozaten, Nafarroan), eta Santxotena Tailer Museoa (Artziniegan, Araban). Gorrienea Etxe Museoak historia, artea, tradizioa eta etnografia hartzen ditu barnean; Santxotena Parke-Museoan arteak naturarekin bat egiten du (Euskal Herriko mitologia). Museoetan ikusgai daude haren eskulturagintzako obrarik gehientsuenak; 1969an hasi zen eskulturak egiten, eta Jorge Oteiza izan zuen irakasle eta gainbegirale. El Universo Santxotena 1970-2003 liburuan biltzen ditu denbora horretan egindako lanak. Bere artelan batzuk nazioarteko erakunde garrantzitsuetan daude: Vatikanoan, El Salvadorreko UCA Unibertsitatean, Bogotan eta Genevan.