Pepetela

Artur Pestana dos Santos «Pepetela» (Benguela, Angola, 1941)
Angolar idazle eta soziologoa. Angolako historia garaikidea luze jorratu du Pepetelak, bere eta herrikideen bizipenetatik abiaturik. MPLAko kide izan zen borroka armatuaren garaian, eta zenbait ardura izan zituen independentzia ondoko gobernuetan, unibertsitatean eskolak ematen hasi zen arte. Gaur egun, gobernutik aldendurik, oraindik ere argi egiten digu Angolako egoeraz eta etorkizunaz, herri bizi horrenganako fedea galdu gabe. Haren lanik aipatuenak: Ngungaren abenturak (1972 [1996]), Mayombe (1979), Yaka (1985), Utopiaren belaunaldia (1992 [2025]), Gloriosa Família (1997), O Quase Fim do Mundo (2008).