Andrea Perales Fdez. de Gamboa

Gasteizen jaioa 1985. urtean, Ingeles Filologian lizentziatua Euskal Herriko Unibertsitatetik eta 2017. urtean doktoratu zen University of Tennessee-en. Egun, Euskal Herriko Unibertsitateko “Hizkuntza eta Literaturen Didaktika” sailean ari da irakasle, baina urte askoz bigarren hezkuntzan zein batxilergoan eman ditu eskolak. Literaturaren eta kultura popularraren maitalea izanda, bere interes akademikoak genero eta kultur ikasketen ildoan doaz, eta orain arte bere ikerketak nortasun maskulinoen formakuntzaren inguruan aritu dira.
Bigarren hezkuntzan eta unibertsitatean izandako esperientziak Letretako ikasgaietan erakutsi diote nola, kasu askotan, ikasleek jasotzen zuten hezkuntza hutsez beterik zegoen. Huts edo informazio falta hauek, gehienetan, emakumeei buruzko informazioari buruz ziren, ez baitzen emakume hauen garrantzia beren komunitateetan azaltzen. Hau dela eta, Andreak beharrezkoa ikusten du emakumeen istorioen zabalkuntza, isilpean egon diren emakume horiek beren ahotsa berreskuratu dezaten.