Curzio Malaparte

CURZIO MALAPARTE (benetako izena, Kurt Erich Suckert) Toscanako Praton jaio zen 1898an. Lehen Mundu Gerran alemanen aurka borrokatua, 1922an Alderdi Nazional Faxistan sartua, hainbat aldizkari politiko-literarioren sortzailea, Corriere della sera eta Tempo agerkarien artikulugilea eta, Bigarren Mundu Gerran, gerra berriemailea hainbat frontetan, liburu asko eta askotarikoen idazle izan zen. 1921ean idatzi zuen bere lehen liburua: Viva Caporetto! (La rivolta dei santi maledetti, 1923); eta geroago, besteak beste, Technique du coup d'etat (1931), Fughe in prigione (1936), Sangue (1937), Donna come me (1940), Il Volga nasce in Europa (1943), Il sole è cieco (1947), Kaputt (1944), eta orain esku artean duzun eleberri hau, Larrua (1949). Bigarren Mundu Gerraren ondoren Parisera aldatu eta antzerki lanak moldatu zituen. Maledetti toscani (1956) izan zen bizi zelarik argitara zuen azken liburua. Erroman hil zen 1957an.
 

ITZULTZAILEA:

• JOSE RAMON VAZQUEZ (Barakaldo, 1968). Euskal filologian lizentziaduna. Irakaslea, lanbidez. Literatura Unibertsala bilduma honetan, Herman Melvilleren Benito Cereno kontakizuna eta Billy Budd eleberri laburra ere euskaratu ditu.