Eric-Emmanuel Schmitt

Eric-Emmanuel Schmitt (Lyon, 1960) Bruselan bizi da. Filosofia ikasi zuen eta dramaturgo frantses handienetarikoa dugu; bere obrak Frantzian eta hainbat herritan taularatu izan dira. Ibrahim jauna eta Koranaren loreak narrazioa bera arrakasta handiz eraman zuten bai agertokira bai zinemara (Omar Sharif eta Pierre Boulanger aktoreekin, besteak beste). Ipuin honekin, eta Milarepa eta Oskar eta Mamie Rose narrazioekin batera, "Ikusezinaren Trilogia" osatu zuen. Bere bibliografian, Noeren semea nobela eta Ezkon hilketa ttikiak antzerki lana ere nabarmendu beharra dago.