Humberto Unzueta Kareaga

Gernika-Lumon jaio zen 1967an eta handik hurbil bizi da gaur egun. Gautegiz-Arteagan. Informazio Zientzietan lizentziaduna Euskal Herriko Unibertsitatean. Kazetaria da ikasketaz eta lanbidez, komunikabide idatzi nahiz ikus-entzunezkoetan hainbat lan egindakoa. “Deia” egunkarian dihardu kazetari lanetan 2003tik gaurdaino, Politika arloan. Aurretik, “Euskaldunon Egunkaria” eta “El Correo” kazetetan ere ibilia da, eta baita telebistarako zenbait saio, dokumental, eta telesailetako gidoigintzan ere. Imanol Murua Uriarekin batera Su-etena Belfasten kronika liburua idatzi zuen 1996an Susa argitaletxearen eskutik, Ipar Irlandako bake prozesuari buruzko hainbat kronika biltzen zituena. Handik bi urtera, Kennedy idatzi zuen (Elkar, 2000), John Fitzgerald Kennedy Amerikako Estatu Batuetako presidente izan zenari buruzko biografia.