Ion Arretxe Gutiérrez

ION ARRETXE GUTIÉRREZ (Errenteria, 1964 - Madril, 2017) marrazkilari eta eszenografo gisa hasi zen lanean. Hain zuzen ere, kolaborazioak egin zituen Egin egunkarian, Euskal Herriko herri organismo askotan –marrazkiak, kartelak eta horma irudiak– eta Orain, Kukubiltxo eta Sebastopoleko Titiriteroak antzerki taldeetan.

Gidoiak idatzi eta marrazkiak sortu zituen El Víbora, Ipurbeltz, TMO, Aizu!, El Jueves, Punto y Hora aldizkarietarako, besteak beste, baita zenbait liburu ilustratu ere.

1990az geroztik, arte zuzendari modura lan egin zuen zinema eta telebistako filmetan (Todo es mentira, Éxtasis, La vida de nadie, Zeru horiek, Rincones del paraíso, Pídele cuentas al rey, Platillos volantes, Marujas asesinas, Locos por el sexo, Sukalde kontuak, La soledad, Tiro en la cabeza, Entrelobos, Summertime…).

Cuando todo esté en orden filmeko gidoia idatzi zuen, Carlos Pérez Merinerorekin batera.

La guitarra invisible, Arturo hijo eta El esqueleto de Bergamín film laburrak zuzendu zituen. 

Tenía un novio en Alsasua eta El hijo de la Pili kantuen egilea da.

Errenteriako Oarso aldizkariaren ohiko kolaboratzailea izan zen.