María Orcasitas-Vicandi

Gasteiz, 1985.
Ingeles Filologian lizentziatua. Irakaskuntza Gaitasunerako Agiria eta Hezkuntza Eleaniztunaren inguruko masterrak gauzatu zituen Euskal Herriko Unibertsitatean eta Madrilen, Escuela Contemporánea de Humanidades eskolan, Sorkuntza Literarioaren masterra gauzatu zuen.
2017an, Hezkuntzako Ikerkuntza eta Diagnosi Metodoak Sailean, doktorego tesi internazionala aurkeztu zuen euskaraz eta, geroztik, EHUko irakaslea da Donostiko Ekonomia eta Enpresa Fakultatetan.
Gidoilari eta antzezle lanetan jardun zuen, lehen hezkuntzara bideratutako material didaktikoak sortzen eta, lau urtez, derrigorrezko bigarren hezkuntzan ere irakasle ibili zen. Gazteleraz eta euskaraz idatzi du urteetan, ipuin laburrak, gehien bat. Irabazitako sarien artean Ignacio Aldekoa XVIII. Ipuin lehiaketa da aipagarriena. Lehiaketa hau Usoak (Elkar) lanari esker lortu zuen.