Miguel de Cervantes

Miguel de Cervantes Saavedra (Alcalá de Henares, 1547-Madril, 1616) espainiar eleberrigile, poeta eta antzerkigilea, eta Espainiako Urrezko Mendeko idazlerik behinena, izan zen. On Kixote Mantxakoa, haren lan nagusia, Europako lehen eleberri modernotzat hartzen da eta, zenbait adituren arabera, inoiz idatzi den fikziozko lanik hoberenetako bat da. Ez da haren bizitzari buruzko gauza askorik ezagutzen. Valladolid eta Madrilen egin zituen ikasketak. Soldadu ibili zen eta Lepantoko guduan parte hartu zuen (bertan beso bat erbaldu zitzaion) eta, turkoek atxilotu ondoren, bost urte eman zituen Aljerko presondegian.
Haren idazlan ospetsuenak: La Galatea, Novelas Ejemplares izeneko kontakizunak, Ingeles espainola, Maitale liberala, Rinconete eta Cortadillo, Zakurren berriketaldia, Parnasorako bidaia, eta Gauza zoragarrien erretaula.