Victor Hugo

Victor-Marie Hugo (Frantzia,1802-1885), Erromantizismo garaian lan egin zuen idazlea izan zen. Antzerkia, olerkiak, saioak eta drama-eleberriak landu zituen, eta liburu asko idatzi zituen. Frantsesezko egilerik garrantzitsuenetarikoa da: Les Misérables eta Notre-Dame de Paris (“Parisko konkorduna”) haren lanik ospetsuenen artean daude, eta obra ikaragarri zabala osatu zuen.
Politikaria ere izan zen, eta eraso egin zien bonapartismoari eta autoritarismoari. 1852an erbesteratu behar izan zuen Belgikara, Napoleonen aurkako jarrera zuela eta. Hugo-ren obra erraldoian genero guztiak sartzen dira, hizkuntza maisuaren trebeziaz darabil eta poesiarako etorria irudimen handiz janzten du.