Literatura obrarik hoberenak eskaintzen dizkizuegu irakurleoi, haur, gazte zein heldu.
EREIN Argitaletxea
Tolosa etorbidea 107
20018 DONOSTIA (Gipuzkoa)
Tel.: (+34) 943 218 300
erein@erein.eus
www.erein.eus
- Hasiera
- Berriak
Berriak
Terraza debekatua. Fatima Mernissi. Itzulpena: Edurne Lazkano Ibarbia
Literatura Unibertsala bildumako 192. liburua.
Memoria, umorea eta zorroztasuna uztartuz, Mernissik harreman sare konplexu eta goxo bat ehuntzen du, non emakumeek –mugak eta arauak hausteko estrategiak asmatu bitartean– indarra eta elkartasuna aurkitzen duten. Kontakizun laburrez osatutako kontakizun honek, eguneroko xehetasun txikietan oinarrituta, musulman herri baten tradizioaren barrunbeak modu argigarriz zabaltzen ditu, eta, irakurlea lekuko, desira, irudimena eta adorea bihurtzen dira itxialdiaren benetako kontrapisu. Literatura unibertsal bihurtu den istorio baten aurrean gaude: askatasunaren bila hazten ari den ahots baten jaiotza.
Anna Kopek eta ezpata bikingoa / Anna Kopek y la espada vikinga. Haritz Larrageta.
Ilustrazioak: Marko / Maëla.
Euskaraz eta gaztelaniaz argitaratua. Anna Kopek-en bosgarren istorioa eta bilduma ixten duena. Iruñean kokatua!
Ahotsak / Voces. Toti Martínez de Lezea.
AHOTSAK, hamabost narrazio labur, istorioak kontatzeko hamabost modu ezberdin, meditatzera, sentitzera, barre egitera garamatzatenak, Toti Martínez de Lezearen maistratasun literarioari esker, eta, beste behin ere, bere errealitate eta fantasiazko mundu berezian murgiltzen gaituztenak. Hor gozatzen dute gehiena bere irakurleek.
Espekulazioak. Arrate Egaña.
Zazpi kontakizunek osatzen dute Espekulazioak. Arrate Egañak, bere estilo garbi, arin eta zuzenez, eta irudimena bidelagun, ipuin-sorta bitxia bezain erakargarria aurkeztu digu. Ohiko bere fikzioa koska bat gehiago estutu du oraingoan.
Txerriak eta loreak. Jon Arretxe.
Azken urteotan Touréren sagan zentratuta egon ondoren, guztiz bestelako nobela beltza dakarkigu oraingo honetan Jon Arretxek. Hiri handietako lunpen guneak alde batera utzita, egileak fabulatu duen trama berria bera bizi izandako hiru herrietan garatuko da: Basaurin, Gasteizen eta Arbizun.
Erleen azken ziztada. Kepa Iribar.
Idazle getariarrak narrazio bizi eta zirraragarria eskaintzen digu, suspensearen hariari etengabe tiraka, iragana eta oraina elkarrizketan jarriz. Eleberriak, istorio pertsonalen bidez, gure gizarteko itzalak agerian uzten ditu: ultraeskuinaren gorakada, emigrazioaren tragedia, boterearen gehiegikeriak, beldurraren logikak eta elkartasunaren indarra. Irakurlea harrapatzen duen nobela da, azken orrira arte ezkutuko erle horien ziztada sentiarazten duen horietakoa.
Oraire. Nerea Loiola Pikaza.
Aukeratu zure abentura + ihes liburua. Eskapu liburuak bildumako 4. abentura.
Misterioak, arriskuak eta abenturak aurkituko dituzu. Erabakiak hartu beharko dituzu eta enigmak ebatzi. Zure adimena eta abileziak erabili beharko dituzu. Erabaki txar batek hondamendia eragin lezake… eta heriotza ere bai!
Euri beroak. Iban Garro Alzuri.
Blas de Otero - Ángela Figuera Nazioarteko XVII. Poesia Lehiaketaren irabazlea.
Ihesi bizi gara nork jarraitzen digun jakitera ausartu gabe. Liburu honek gelditu eta gibelera begiratzen lagunduko dizu, agian sorpresa bat jasotzeko, agian nonbait daramazun istorio gogorren bat ezagutzeko.
2023ko-2024ko Gabriel Aresti Sariak. XL-XLI. Bilbao Hiria Ipuin Lehiaketa.
XL-XLI. Bilbao Hiria Ipuin Lehiaketa saridunak.
Liburu bariatua. Hainbat idazle berriren ipuin sarituak. Gaur egungo idazle berrien ipuin aukera fina.
Sarituak.
- 2023: Oihane Fernandez, Isidoro Calvo eta Amaia Iturriotz.
- 2024: Amagoia Mujika, Maitane Perez eta Oskar Azkona.
Emognosia. Mitxelko Uranga.
Miguel de Unamuno XXV. Saria. Bilboko Udala.
Azken urteotan, COVID-19aren pandemiaz geroztik bereziki, ugariak dira, eta oso erabiliak, zenbait hitz eta esapide berri edo berriztatu. Batzuk zuzenean ingelesez emanak dira, besteak, gehienak zeinek bere hizkuntzan moldatu ditu, euskaraz guk: fake news, egia-ostea, konspiranoia, negazionismoa, pandemia/plandemia, terraplanismoa, happycracia…
Panfleto bat atzenduraren kontra. Pello Salaburu.
Atzendura azaleratzen duen kontakizun ausarta: historia ez da isiltzeko, ikasteko eta oroituz sendatzeko da. Autorearen ahots zorrotzak ahanztura kolektiboa astintzen du, biktimen memoriari eta gizartearen duintasunari leku egiteko.
Düsseldorf-eko txibatoa. Karlos Linazasoro.
Idazle tolosarrak etxeko markaz janzten du narrazio harrigarri hau ere, ironiaz eta ausardiaz, gogoeta sozial zorrotz eta gupidagabe batekin oreka bilatuan. Irakurlea barrez lehertzera eraman dezakeen bezala, deserosotasun eta tristura ere pizten ditu.
Azken batean. Lourdes Oñederra.
Eleberri honek begirada sakona eskaintzen die indarkeriaren zauri oraindik irekiei, baina baita oroimenari, familiari eta Euskal Herriko historia hurbilean emakumeak izan duen paperari ere.
Lapurtutako bizkotxoaren kasua. Abel Amutxategi.
Niko eta amona intergalaktikoa bildumako lehenengo liburua. Abentura, umorea eta misterioa. Bi pertsonaia gogoangarriak, bikote interesgarria.
Irakurleek jarraitu nahiko dituzte haien abenturak unibertsoan zehar.
Kateriñe. Maitena Illarramendi - Iñigo Sarasola
Espainiako Gerra Zibilak eragindako suntsipenaren lekuko izan zen Kateriñe Letamendi tolosarra. Tropa frankisten bonbetatik eta mehatxuetatik ihes egin behar izan zuen. Kaosaren erdian, egunerokoa izan zuen babesleku; sufrimenduz eta oroitzapenez betetako bitakora bat.
Los últimos artesanos. Conversaciones con: Pedro Olea, Imanol Uribe, Enrique Urbizu y el Colectivo Moriarti. Imanol Rayo.
Los cineastas que hemos reunido en este libro pertenecen a distintas generaciones pero, sin embargo, comparten una misma praxis, una forma de hacer cine. El presente texto recoge el testimonio de estos últimos artesanos vascos, revelando la naturaleza del oficio del arte popular por excelencia del siglo XX.
